Maryan Xuseyn Xasan, oo ah gabar dhalinyaro ah kana soo jeeda qoys danyar ah, ayaa isku soo tuurtay dabaq biyaano ah oo ku yaalla degmada Shibis kadib markii ay la kulantay murugo xooggan oo la xiriirta arrimo jacayl.
Sida uu RNN Somali TV u xaqiijiyay aabbaheed, Maryan ayaa muddo shan sano ah sugaysay nin ay jeclayd oo uu xiriirkoodu ahaa mid qoto dheer, balse muddadaas wuxuu uga maqnaa dalka isagoo ku jiray tababar ciidan oo dalka Ereteriya ah. Markii uu dib ugu soo laabtay dalka, ninkii ayaa la guursaday gabar kale, taas oo si daran u gilgishay Maryan.
Wararka la helayo ayaa sheegaya in Maryan ay si toos ah isugu tuurtay dabaqa sare ee guriga ay daganeyd, iyadoo ay ka dhasheen dhaawacyo halis ah oo ay ka mid yihiin:
• Jab ku yimid madaxa
• Lugaha oo jabtay
• Lafo kale oo dhaawacmay
Xaaladda gabadha ayaa lagu soo warramayaa inay hadda tahay mid miir daboolan, iyadoo lagu daweynayo isbitaal ku yaalla magaalada Muqdisho.
Qoyska gabadha, oo wajahaya xaalad dhaqaale oo adag, ayaa codsaday in gurmad degdeg ah loo fidiyo si loo badbaadiyo nolosha Maryan. Hooyadeed ayaa horey u geeriyootay, taasoo sii xoojisay baahida ay u qabto daryeel caafimaad iyo taageero bulsho.
About The Author
