Doorashada kuraasta HOP097 iyo HOP098 oo katirsan golaha shacabka ayaa maanta lagu wadaa in ay ka dhacaan magaalada Jowhar ee xarunta maamulka Hir-shabeelle.
Kuraastaan ayaa waxaa bananeeyay oo ka geeriyooday wasiir Khadiijo Maxamed Diiriye, iyo xildhibaan Maxamuud Maxamed Jimcaale ( Sey-sey) oo labaduba katirsan Baarlamaanka golaha Shacabka.
Kuraastan ayaa waxa u kala tartamaya Cabdikariin Maxamed Diiriye, una sharaxan HOP097 halka Cabdiqaadir Maxamuud Maxamed uu asna u sharaxan yahay HOP098.
Qaban qaabadii ugu dambeysay ee doorashada ayaa ka socota magaalada Jowhar, waxaana howlka doorashada goob joog ku ah ergada dooraneysa mas’uuliyiin dowladeed iyo kormeerayaal madax-banaan.
About The Author
