Wasaaradda Maaliyadda ee xukuumadda federaalka Soomaaliya ayaa joojisay khidmadaha la xiriira Buugga caafimaadka ee laga rabo rakaabka soo geliya ama ka baxaya garoonka diyaaradaha ee Muqdisho, kaasi oo maanta ay ku soo rogtay wasaaradda Caafimaadka ee Soomaaliya.
War-saxaafadeed kasoo baxay wasaaradda maaiyadda ayaa lagu sheegay in dib u-eegis lagu sameeyey go,aanka Machadka Caafimaadka iyo wasaaradda Caafimaadka, kaasi oo la sheegay in la rabay inuu dhaqan galo 03 Febaraayo 2025.
“khidmadaha la-xiriira buuga caafimaadka ee rakaabka ka-baxaya iyo kuwa soo-galaya Dalka ee la tilmaamay inay dhaqan-galayaan 03 Febaraayo 2025, waxa ay yihiin, loona aqoonsaday waxba kama jiraan, si waafaqsan Sharciga Maamulka Dakhliga 2019, iyo Qaraarka Golaha Wasiiradda ee Maamulka Khasnadda Midaysan ee 21 Agoosto 2024. Sidaa darteed, ururinta khidmadaha noocaas ah waa in la joojiyaa”. Ayaa lagu yiri qoraalka kasoo baxay wasaaradda maaliyadda
Sidoo kale wasaaradda Maaliyadda, ayaa sheegtay in waxba kama jiraan uu yahay khidamaha la xiriira Buugga Caafimaadka ee laga rabo rakaabka dalka soo gelaya ama ka baxaya.
Wasaaradda ayaa fartay in dhammaan hay’adaha ay khuseeyso arrintan si degdeg ah loo joojiyo ururinta khidamaha cusub.
About The Author
