Doorashada guud ee Kenya ee la filayo inay dhacdo sanadka 2027 ayaa durba laga dareemayaa ololaha siyaasadeed, gaar ahaan gobolka Wajeer, halkaas oo laba siyaasi oo caan ah ay si weyn ugu loolami doonaan kursiga Guddoomiyaha Gobolka (Governor-ka).
Labada musharax ee ugu cadcad tartanka waa:
• Adan Keynan Wehliye – Xildhibaan xilkiisa haya, kana tirsan baarlamaanka Kenya. Wuxuu ka mid yahay siyaasiyiinta ugu waaweyn ee gobolka Waqooyi Bari, isagoo horey u soo qabtay xilal siyaasadeed oo muhiim ah.
• Mohamed Fai – Ganacsade iyo siyaasi cusub oo si xooggan u soo galay fagaaraha siyaasadeed, islamarkaana taageero ballaaran ka helaya dhalinyarada iyo bulshada deegaanka.
Wararka hordhaca ah waxay muujinayaan in tartankan uu noqon doono mid adag, iyadoo ay musharaxiintu durba bilaabeen kulamo dadweyne iyo olole hore oo ay ku kasbanayaan taageero gudaha iyo dibadda ah.
Tartankan ayaa noqon doona mid si weyn isha loogu hayo maadaama uu yahay mid horseedi kara isbeddel siyaasadeed oo cusub oo ka dhaca gobolka Wajeer.
About The Author
