Guddoonka labada aqal ee Baarlamaanka Soomaaliya ayaa soo saaray war-saxaafadeed ay ku shaacinayaan xiliga uu furmayo kalfadhiga 6-aad ee Baarlamaanka 11-aad ee Jamhuriyadda Soomaaliya oo furitaankiisa uu dib u dhac ku yimid xiligii loo baahnaa.
Guddoonka labada aqal ee Baarlamaanka Soomaaliya waxa ay shegeen in markii kulamo ka yeesheen xiliga uu furmayo kalfadhiga 6-aad ee Baarlamaanka Soomaaliya ay go,aamiyeen inuu si rasmi ah uu kalfadhiga 6-aad u frumo maalinta Sabtiga ee 22-ka Feberaayo 2025.
War-saxaafadeedka ayaa loogu baaqay Xildhibaanada ka maqan dalka inay dib ugu soo laabto dalka ka hor inta uusan furmi kalfadhiga, si shaqada hortaala Baarlamaanka ee ay u hayaan bulshada loo sii ambaqaado.
“Sanetarada iyo xildhibaanada labada aqal ee Baarlamaanka Soomaaliya waxaa lagu wargelinaya in ay soo xaroodaan ka hor mudada la go’aamiyay ee furitaanka kalfadhiga 6-aad ee Baarlamaanka Soomaaliya si loo sii amba qaado gudashada waajibaadka Dastuuriga ah ee loo hayo dadweynaha Soomaaliyeed”. ayaa lagu yiri war-saxaadeedka kasoo baxay guddoonka labada aqal.
