Booliska magaalada Nairobi ayaa xalay fiidkii qabtay nin 22 jir ah oo looga shakisan yahay inuu ku lug leeyahay falal argagixiso, ka dib markii lagu arkay isagoo sita walxaha qarxa iyo qalabyo kale oo loo adeegsado samaynta bambaanooyinka.
Ninkan ayaa la qabtay saacaddu markay ahayd 23:20 fiidnimo, xilli ay boolisku ku jireen kormeer caadi ah. Dhaqankiisa tuhunka leh iyo sida uu uga cararayay booliska ayaa keentay in lagu joojiyo, kadibna la baaro boorso uu watay.
Intii baaristu socotay, waxaa laga helay 21 qalab qarxa oo ah detonators, 21 bac oo ay ku jirto walax cad oo looga shakisan yahay ammonium nitrate, fiilo koronto oo dhererkeedu yahay shan mitir, iyo agabyo kale.
Eedeysanaha ayaa markiiba la xiray, waxaana loo gudbiyay Cutubka La Dagaalanka Argagixisada (ATPU) si loo sii baaro loona su’aalo.
Adeegga Booliska Qaranka ee Kenya ayaa xaqiijiyay inay ka go’an tahay ilaalinta nabadda, amniga, iyo u adeegidda shacabka.
About The Author
