Waxaa si weyn u gilgishay gobolka Minnesota war degdeg ah oo sheegaya in xildhibaanad ka tirsan gobolka iyo ninkeeda lagu dilay irida hore ee gurigooda wax yar kahor, sida ay wararku sheegayaan. Toogashada ayaa dhacday xilli ay labada qof kusoo wajahnaayeen gudaha guriga, waxaana dilaaga uu sheegay inuu yahay sargaal boolis—taasoo laga shaki qabo inuu yahay sheegasho been ah.
Isla habeenkaas, senator kale oo gobolka ka tirsan iyo xaaskiisa ayaa si halis ah loogu dhaawacay toogasho kale, taasoo la sheegay inay ka dhacday meel aan sidaas uga fogayn deegaanka Champlin, Minnesota—meel ay horay uga dhacday dhacdo kale oo dil ah.
Dilaaga wali waa baxsad
Wararka hordhaca ah waxay tilmaamayaan in dilaaga uu goobta ka baxsaday isagoo aan la aqoonsan, balse la tuhunsan yahay inuu u labistay sidii sargaal boolis. Baaritaanno ayaa socda.
Su’aasha taagan: Ma amni baa USA mise Somalia?
Dhacdadan naxdinta leh ayaa dhalisay dood adag oo ay dad badan is weydiinayaan: Xildhibaanada iyo siyaasiyiinta Mareykanka ma kasii ammaan yaryihiin kuwa Soomaaliya?
Waxaa jirtay dhaliil laga jeediyey baraha bulshada oo sheegaysa in xildhibaanada Soomaaliya ay si xor ah ugu nool yihiin Muqdisho, xilli ay mararka qaar askarta dowladda la caayaan, amnina ay haystaan, halka Mareykanka—oo ah dowlad horumartay—ay mas’uuliyiin lagu dilayo irida gurigooda.
Gunaanad
Dhacdadan ayaa dhabar-jab ku ah amniga gudaha ee Mareykanka, gaar ahaan gobolka Minnesota oo ay ku nool yihiin bulsho Soomaali badan. Booliska gobolka iyo hay’adaha federaalka ayaa ku hawlan baaritaan buuxa, iyadoo la rajaynayo in dilaaga gacanta lagu dhigo si degdeg ah.
About The Author
