Wararka anu ka heleyno xaafada Soonakey ee degmada Hodan ee gobolka Banaadir, ayaa sheegaya in maanta dab dhaliyay khasaaro hantiyadeed uu ka kacay goobo ganacsi oo ku yaalla degmadaasi.
Goob joogayaal, ayaa inoo sheegay in dabka markii hore uu ka biloowday koronto, kaddibna uu ku fiday goobaha ganacsi oo intooda badan dabka uu sameeyay.
Gawaarida dab damiska oo goobta gaaray ayaa ku guuleystay daminta dabka si uusan ugu sii fidin guriyaha ka agdhaw halka uu dabka kacay.
Ciidamo katirsan dowladda oo goobta gaaray ayaa xakameeyay dadka shacabka ah, maadama xiliyadas ay rag tuugo ah ay dadka isku dhex qariyaan si ay u qataan alaabaha goobaha ganacsiga laga badbaadiyay.
Weli maamulka degmada Hodan kama uusan hadlin dabkan khasaaraha dhaliyay ee maanta ka kacay goobo ganacsi oo ku yaalla xaafada Soonakey ee degmada Hodan ee gobolka Banaadir.
