Muqdisho, Soomaaliya – Maxamed Jibriil Agaasimaha Isgaarsiinta iyo Warbaahinta ee Wasaaradda Qurbajoogta iyo Maalgashiga, Ayaa kormeer ku tagay garoon ay ku ciyaraan carruurta lixaadkoodu uusan dhameystirneen, waxa uuna u jeeda kormeerkiisa uu ahaa sidii uu carruurtaasi uu garab istaag ugu muujin lahaa.
Agaasimaha ayaa inta uu kormeerkiisa ku jiray waxa uu la kulmay waalidìinta carruurta uu si maalinle ah carruurtooda goobta u keena, si aysan niyad ugu noladaan, lana tuso in ay asagooda ka lidan, isla markaana ay ciyaari karaan.
Agaasimaha wasaarradda isgaarsiinta iyo warbaahinta ee wasaaradda qurbo-joogta iyo maalgashiga, ayaa agab loogu talagalay carruurta in ay ku ciyaraan ku wareejiyay waalidiinta iyo madaxa aas aasaha garoonka Xassan Maxamed, waxa uuna agaasimaha ku dhiiri-geliyay waalidiinta in ay ka war qabaan,maadama ay caruurtada baahiyo gaar ah ay qabaan.
Dhinaca kale Agaasimaha ayaa sheegay in agabkan keenistiisa ay iska gashaan dhallinyarada qurbo-joogta iyo wasaarada qurb-joogta iyo warbaahinta, isla markaana ujeedkoodu uu ahaa mid ay ku garab istagayaan caruurta.
Sidoo kale waalidiinta carruurta dhalay iyo aas aasaha garoonka, ayaa si wadajir ah ugu mahad celiyay Agaasimaha isgaasiinta iyo warbaahinta ee wasaaradda qurbo-joogta iyo maalgashiga sida uu u soo gaarsiiyay agabkan ay ku ciyraan carruurtooda.
