Go’aannadii siyaasadeed ee laga filayay inay maanta kasoo baxaan magaalada Garowe ayaa si rasmi ah dib loo dhigay, iyadoo weli la sugayo natiijada ka dhalata kulanka u socda Madaxweynaha Soomaaliya, Xasan Sheekh Maxamuud, iyo Golaha Samatabixinta Soomaaliyeed.
Kulankan oo ka dhacay saaka ayaa ah mid xasaasi ah, maadaama uu kusoo beegmay xilli ay taagan yihiin khilaafaad siyaasadeed iyo kala aragti duwanaansho xooggan oo u dhexeeya dowladda dhexe iyo qaar kamid ah hoggaamiyeyaasha mucaaradka.
Wararka laga helayo ilo xog ogaal ah ayaa tilmaamaya in kulanka uu diiradda saarayo arrimaha doorashooyinka, amniga, iyo dib-u-heshiisiinta, iyadoo la filayo in saacadaha soo socda laga soo saaro qodobbo rasmi ah oo muhiim u ah jihaynta siyaasadda dalka.
Dib u dhaca go’aannada Garowe ayaa abuuray su’aalo badan oo ku saabsan isfahamka dhinacyada kulmay, waxaana shacabka Soomaaliyeed ay indhaha ku hayaan hadal kasoo baxa Villa Somalia ama Golaha Samatabixinta.
About The Author
