Wasiirka Arrimaha Dibadda iyo Iskaashiga Caalamiga, Mudane Cabdisalaan Cabdi Cali, ayaa maanta oo Arbaco ah ku qaabilay xafiiskiisa Wasaaradda ee Caasimadda Muqdisho, Safiirka Jamhuuriyadda Talyaaniga u qaabilsan Jamhuuriyadda Federaalka Soomaaliya, Mudane Pier Mario Daccò Coppi.
Labada mas’uul ayaa kawada hadlay siyaabaha kor loogu qaadi karo xiriirka soo jireenka ah ee ka dhexeeya labada dal iyo sidii loo ballaarin lahaa hababka iskaashi ee danta labada dhinac ku suntan.
Kulanka ayaa lagu fallanqeeyay u sal-dhigidda iskaashiga labo geesoodka oo dhinac weliba leh, laguna iftiimiyay ka go’naanshaha labada dal ee xoojinta wax-wadaagga iyo soo banbixinta fursadaha ballaaran ee iskaashi wadaagga leh.
About The Author
