Doorashada madaxtinimada ee gobolka Waqooyi Bari Soomaaliya ayaa soo gebageboobay kadib laba wareeg.
Mudane Cabdikadir Aw-Cali Firdhiye ayaa noqday madaxweynaha maamulka Waqooyi Bari shanta sano ee soo socota, kaddib markii musharrax Cabdirisaaq Khaliif uu gaaray wareegga labaad balse ugu dambayntii uu guusha raacday Firdhiye.
Cabdikadir Axmed Aw-Cali Firdhiye ayaa helay 62 cod, halka Cabdirisaaq Khaliif uu helay 18 cod, 2 codna ay noqdeen waxba kama jiraan, sida uu ku dhawaaqay guddoomiyaha baarlamaanka.
Madaxweynaha cusub ee la doortay ayaa labo sano ee lasoo dhaafay hoggaaminayay maamulka SSC-Khaatumo, kaas oo hadda loo bixiyay maamulka Waqooyi Bari Soomaaliya.
Mudane Firdhiye ayaa door weyn ka qaatay dhismaha maamulkiisa, sidoo kale waxa uu leeyahay xiriir wanaagsan oo uu la leeyahay dowladda federaalka Soomaaliya.
About The Author
