Addis Ababa, 3-da Juun 2025 – Shirkadda diyaaradaha ee Ethiopian Airlines ayaa ku dhawaaqday inay $5.6 bilyan oo dakhli ah soo xareysay muddo 9 bilood ah, taasoo ka dhigan koror dhan 8% marka loo eego isla muddadaasi sanadkii hore.
Sidoo kale, shirkaddu waxay sheegtay in tirada rakaabka ay qaaday kor u kacday 13%, iyadoo lagu waramay in la qaaday in ka badan 14.5 milyan oo rakaab ah 9-kii bilood ee la soo dhaafay.
Shirkadda ayaa xustay inay ku kordhisay 10 diyaaradood safkeeda diyaaradaha, waxaana ay sidoo kale duulimaadyo cusub ka bilowday 4 goobood oo cusub, taasoo qayb ka ah ballaarinta adeeggeeda caalamiga ah.
Ethiopian Airlines ayaa si weyn loogu tiriyaa mid ka mid ah guulaha dhaqaalaha dalka ** Itoobiya**, iyadoo door muuqda ka qaadata isku xirka Afrika iyo dunida inteeda kale.