𝐌𝐔𝐒𝐇𝐀𝐑𝐀𝐗 𝐂𝐀𝐁𝐃𝐈 𝐅𝐀𝐀𝐑𝐀𝐗 𝐒𝐇𝐈𝐑𝐃𝐎𝐎𝐍 (𝐒𝐀𝐀𝐂𝐈𝐃) 𝐎𝐎 𝟑 𝐐𝐎𝐃𝐎𝐁 𝐇𝐎𝐑𝐃𝐇𝐈𝐆𝐀𝐘 𝐌𝐀𝐃𝐀𝐗𝐖𝐄𝐘𝐍𝐄 𝐗𝐀𝐒𝐀𝐍 𝐒𝐇𝐄𝐄𝐊𝐇 𝐈𝐘𝐎 𝐑𝐖 𝐗𝐀𝐌𝐒𝐀

Ra’iisul wasaarihii hore ee Soomaaliya Cabdi Faarax Shirdoon (Saacid), oo hadda ah musharax Madaxweyne, ayaa war kasoo saaray kulamo uu la yeeshay Madaxweynaha Soomaaliya Xasan Sheekh Maxamuud iyo Ra’iisul Wasaaraha Xukuumadda Xamsa Cabdi Barre.

Musharax Saacid ayaa sheegay inuu madaxda sare ee dowladda u soo jeediyay saddex qodob oo muhiim ah, kuwaasoo uu tilmaamay inay yihiin kuwa lagama maarmaan u ah badbaadinta dalka iyo xasilinta xaaladda siyaasadeed. Qodobadaas waxay kala yihiin:

1. In xaaladaha cakiran ee amniga iyo siyaasadda lagu xalliyo wada-tashi qaran oo daahfuran;

2. In arrimaha doorashooyinka iyo wax ka beddelka dastuurka lagu saleeyo wadar ogol iyo isku tanaasul siyaasadeed;

3. In shacabka Soomaaliyeed ay u midoobaan ciribtirka argagixisada, lana sameeyo dib-u-habeyn, qalabeyn iyo dhiirrigelin ciidamada Qaranka.

Musharax Saacid wuxuu xusay in waqtigan ay muhiim tahay in la helo aragti mideysan oo Soomaaliyeed si dalka looga saaro marxaladda uu marayo.

About The Author

Hinda Ali

See author's posts